Ki nongkhaii kiba shim kabu ban pynkiew dor ia ki marbam kin shah pynsitom: Prestone

Shillong, Iaiong 28: U Symbut myntri rangbah ka jylla u bah Prestone Tynsong mynta ka sngi u la buh ia ka jingmaham pyrshah ia ki nongkhaii lada ki don kiba shim kabu ban pynkiew dor ia ki marbam ha iew ha hat lada lap yn pynshitom.

Haba kren ha ki lat pathai khubor mynta ka sngi u la ong ba ka sorkar kala shim jingkhein ba ka jingdon ki marbam ki biang bad kan nym don kano kano ka jingduna, la kyntu ia ki paidbah ruh ba kim dei ban syier ban shu iathied kyrkieh.

U Symbut mynta rangbah u la ong ba ha u snem ba la dep ka don shisha ka jingduna ki mar bam namar ka don ka jingkhangdam ha baroh kawei ka ri ha kaba ka sorkar jylla ruh ka hap ban shim ia ka juh ka rai.

Mynta na ka liang jong ka sorkar kala shim jingkhein tiak pa tiak ia ka jingdon ki marbam ha ka jylla bad ha dien ba la dep ban shim ia ka jingkhein la shem ba kam don kata ka jingduna ki marbam kumta ki paidbah kim dei ban syier ban thied kyrkieh.

Na ka liang jong u Symbut myntri rangbah u la ong ba lada ka don kano kano ka jingpynkiew dor palat ia ka dor bala buh ki paidbah ki dei ban ujor bad na ka liang jong ka sorkar kan leh ia kaba don kam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet