Shillong, Iaiong 28: Ka kynhun pulit Railway Protection Force (RPF) ba dei peit ia ka Northeast Frontier Railway kila juh pynlong na ka por sha a por ban khynra ia ki nongdie thok ia ki tiket rel ha kaba la ioh ban kem haduh 173 ngut.
Haka jingkhynra kaba la pynlong naduh ka 23 haduh 25 mynta u bnai la ioh ban kem ar ngut ki nongdie tiket thok bad ka dor kala kot sha ka T.17 lak tyngka, ha u snem mang tyngka 2023-2024 laioh ban kem 173 ngut bad ka pisa kala kot sha ka T.22.81 lak tyngka.
Ha ka por ba khynra la ia don lang ki pulit RPF, ki pulit jong ki sorkar jylla bad ia kine kiba la ioh ban kem la pynshitom ia ki hapoh ki kyndon ka ain jong ka Railway Act , ki RPF kila ioh ruh ban kem haduh 437 ngut kiba juh mlien ban tuh ia ki tiar jong ki nongleit nongwan hapoh rel.
Ki kynhun pulit RPF nalor ba ki don ia ka kam ban trei ban iada ia ki nongleit nongwan, ki ia khun ruh ban ia leh pyrshah ia ki nongde tiket beain, la bthah ia baroh ki nongleit nongwan ba kin thied ia ki tiket na ki jaka kiba la ithuh da ka tnad Railway, la bthah ia ki nongleit nongwan lada ki kynduh jingeh kin phone sha u number 139.
