Jowai, Naitung 25: Ki Nongthoh khubor jong ka Jiantia Hills mynta ka sngi kila ai da ka jingthoh sha u Chairman jong ka iing dorbar jong ka Jaintia Hills Autonomous District Council u Bah LS Shylla ban pyntip ba ki nongthoh khubor na katei ka thain kin nym thoh ia ka khubor shong dorbar jong ka JHADC na ka daw ba ka ophis kim shym la lah ban ai ia ki kot ki sla kiba la wanrah hapoh ka iing dorbar.
Ia kane ka jingthoh la soi da u Genenral Secretary jong ka seng Jaintia Journalist Association (JJA). Ia kane ka juh ka jingthoh la ai ruh sha u CEM jong ka JHADC u Bah T Shiwat bad na ka liang jong u CEM u la kular ia ki nongthoh khubor ba yn sa ia kren ia kane ka kam bad u Chairman.
Kumba ka long mynta na ka liang jong ka iing dorbar jong ka JHADC kam shym la lah ban pynbiang ia ki jingdon kam jong ki nongthoh khubor kum ka Speaker ba kin ioh sngew ia kaei kaba ki MDC ha katei ka iing dorbar ki kren. Ka Legislative Wing kam shym la lah ban ai ia ki jingkylli kaba ki MDC ki ia kren hapoh katei ka iing dorbar.
Na ka liang jong ki nongialam jong ka JJA ki la ong ba kane kam dei ka jingkwah na ka bynta ka jingmyntoi ka jong ki hynrei ka dei na ka bynta jong ki paidbah. Ki paidbah ki don ia ka hok ban tip aiu ki nongmih khmat jong ki ki ia kren ha poh ka iing dorbar lyngba ki lad pathai khubor.
U Bah John F Kharshiing u la pynrem jur ia kito ki briew kiba ktah kti ia ki nongthoh khubor ha kato ka jingjia kumba kala paw ha ki lad pathai khubor kane ka jingleh ka dei ka jingleh jong ki riew khlaw la ongu Bah John.(SP News)
