Shillong, Iaiong 06: U bah C.V.D Diengdoh, Secretary jong ka sorkar Meghalaya ba dei peit ia ka Personnel & A. R. (A) Department lyngba ka jingpynbna sorkar No.PER·76/20t1/Pt/136 kaba la pynmih ha ka 01/Iaiong/2024 katkum ka jingbthah jong katei ka tnad sorkar No.PER.63/2022/28-A, ha ka 18/Kyllalyngkot 2023 kaba pynlong ba baroh ki nongtrei sorkar lada ki kwah leit bar ri ki hap ban pan jingbit na ka sorkar.
Kane ka long kaba don kam na ka bynta ka sorkar ban pynkynmaw biang ba baroh ki nongtrei sorkar kiba kwah ban leit kai hi sha bar ri ka long kaba don kam ba ki hap ban da pan jingbit na ka sorkar.
Ia ka aplikoshon dei ban phah sha u khlieh jong ka tnad sorkar bad na ka liang khlieh ka tnad sorkar yn phah ia ka aplikoshon nongtrei sorkar sha ka tnad Personnel & A. R (A) Department ban ioh ia ka jingbit.
Ha ka aplikoshon dei ban kdew shai sha kano ka ri ki mut ban leit dei ban da kdew shai, ia ka tarik bab leit bad ka tarik ban wan phai, la bthah ba ia ka aplikoshon dei phah lai sngi shuwa ka por ba ki thmu ban leit ban dup lah ban pyndep ia ki jingdon kam ban lait na ka jingslem ban ioh ia ka jingbit.
