Shillong, Iaiong 13: Mynta ka sngi ki shiphew ngut ki ophisar kiba dang don ha ka jingshah hikai jong ka Indian Institute of Mass Communication (IIMC), New Delhi, kiba dei ki bynta jong ka Indian Information Service (IIS) Group ‘A,’ mynta ka sngi kila ia kynduh ia u lat ka jylla Phagu Chauhan, ha Raj Bhavan, Shillong.
Kane ka jingwan jong ki sha Meghalaya ka dei shibynta na ka jingpule kaba ki dei ban leh ba kin tip kham bniah ia kane ka thain shatei lam mih ngi jong ka Ri India bad ia ki lat phah jingtip kiba kylla na ka por sha ka por.
Ha kane ka jingiakren kila ia thir ba kumno ki lat phah jingtip ha kaba ia dei bad ka jylla Meghalaya bad ka bynta kaba kham iar kaba ki lat pathai khubor ha kane ka jylla bad ka kam jong ki kaba ki ai ka jingshakri ia ki paidbah.
Kane ka jingwan jngoh ka long kum kawei ka jaka ia ki ophisar kiba dang shah hikai kin ioh ia ka jingtip kaba bniah na u Lat ka jylla bad ha ka juh ka por u la pyni ia ki rukom ban long kum ki jingbthah bad kumno ban pyndon kam ia ki lat phah jingtip ha ka rukom ka dei katkum kane ka por kaba mynta.
