New Delhi, Jymmang 14: La ioh shibun ki jingujor ha ka National Cyber Crime Reporting Portal (NCRP) kiba iadei bad ka jingpyntieng, ka jingdawa pisa bad ki “Digital Arrest” da ki runar ha ki kam cyber kiba kam ba kidei ki bor pulit, Central Bureau of Investigation (CBI), ka Tnat Narcotics, Reserve Bank of India (RBI), Enforcement Directorate bad kiwei kiwei ki kynhun kiba iadei bad ka ain.
Kine ki riewthok ki phone ia ki briew bad ki pyntip ia ki ba ki la dep phah ia ka parcel lane ki dei ban ioh ia ka parcel kaba don ki tiar kiba beain, ki drok, ki passport thok lane kiwei kiwei ki mar kiba beain.
Tengteng, ki ong ruh ba kiba ha iing jong kiba shah phone ki dei kiba la lap ba kiiadon bynta ha ka kam beain ne ka jingmynsaw bad ba ki don bad ki. Hadien kane, ki dawapisa kum ka bai sha.
Ha katto katne ki jingjia kum kine, ki briew ba shah phone ki hap hapoh ka “Digital Arrest” bad ki hap ban shong hakhmat ka screen ha ka Skype lane kanokano ka rynsan video conferencing, haduh ba kin da mynjur ia ki jingdawa jong kine ki riewthok. La shem ba kine ki riewthok ki pyndonkam ia ki studio ba la saindur kum ki thanat jong ki pulit lane ki ophis Sorkar bad ki phong ruh ia ki jainpulit.
Ha kylleng ka ri, ki don katto katne ki briew kiba la duh ei shibun ka pisa namar kine ki riewthok. Kane ka dei ka kam beain kaba la pynkhrehbha bad la shem ba ka dei kaba pyniaid da ki riewthok kiba treikam ha ki ri bapher bapher.
Ka Indian Cyber Crime Coordination Centre (I4C), hapoh ka TnatKam Pohiing, ka pyniaid ia ki kam ban ialeh pyrshah ia ki kam beain ha ki rynsan cyber ha ka ri. Ka Tnat ka iatrei lang bad kiwei kiwei ki Tnat bad ki kynhun jong ki, ka RBI bad kiwei kiwei ki kynhun ban tehlakam ia kine ki jait briew. Ka I4C ka ai jingmut bad ai jingkyrshan ha ki kam teknikalia ki bor pulit ha ki Jylla bad UT ban lap bad buddien ia kum kine ki jingjia.
Ka I4C, ha ka jingiatreilang bad ka Microsoftka la pynsangehia palat 1,000 tylli ki ID Skype ia kiba la pyndonkam ha kum kine ki kam. Ka plie lad ruh ban bock ia ki SIM card, ki mobile bad ki account ba pyndonkam da kine ki riewthok.
Ka I4C ka la ai ruh katto katne ki jingpynbna lyngba ki dur bad ki video ha ka rynsan social media jong ka ‘Cyberdost’ ha ka X, Facebook, Instagram bad kiwei kiwei. La bthah ia ki nongshong shnong ba kin long kiba husiar shaphang kine ki riewthok.
Haba ioh ia kum kine ki call, ki briew ki dei ban ai jingtip mardor shaphang ka jingjia ha ka cybercrime helpline number 1930 lane www.cybercrime.gov.in ban ioh jingiarap.
