Shillong, Jylliew 20: U bah H.S Shylla ula iathuh ba ki paidbah nongkyrshan jong ka nongkrem ki kwah ba un ia khun ia ka election MLA 2018 na ka seng People Democratic Front (PDF) ia kane ula iathuh ha ki lad pathai khubor hadien ba la wai ka jingiashong dorbar ha KHADC.
Ula kynthoh jur pyrshah ia ka seng UDP kaba la kylla dur hadien ba ka la iateh lok bad ka seng HSPDP, ula pynkynmaw ba ula wanrah ia ka NC hapoh ka iing dorbar hynrei ka party UDP kam shym la kyrshan lane kam shym la weng ia ka jingkyrshan ia ka PDF hapoh ka jingialang jong u bah P.N Syiem.
Ka long kaei kaba phylla ba hadien ba kine ki ar tylli ki party ki la iateh lok kila weng noh ia ka jingkyrshan na ka PDF, hynrei ka jingkylli hato kin ia leit trei lang bad ka seng congress kaba kila thaw khnang ia ka jingiateh lok ban pyrshah ia ka seng congress.
Haba ia dei bad ka jingkam ba kila don ia ka jingpynpait, um dei ba kin shu kam hynrei ba kin pynthikna kila dei ban buh da ka motion byn don jingshaniah shuh ia ka EC kaba la ialam da u bah P.N Syiem ia kane ka kynhun PDF. ‘ Nga mynta nga ai ka jingkyrshan ia ka PDF, ki paidbah jong nga ki kwah ba ngan iakhun ia ka MLA 2018 na ka PDF’.
