Shillong, Rymphang 02: U National President ka NPP u Conrad K Sangma ha ka jingialang ialap elekshon ha North Garo Hills ha Bajengdoba ban kyrshan ia u kyrtong ka party u Pongseng Marak na katei ka konstitwensi.
Ha kane ka jingialang u Conrad u la ong ba ki paidbah mynta kila kylli hato u Dr Mukul Sangma nongialam ka Trinamool Congress Party un iehnoh ia ka Songsak ne Tikrikilla namar u la ia khun na ki ar tylli ki konstitwensi, namar ha ka elekshon kaba la dep u la iehnoh ia ka Ampati bad leit sha Songsak.
Ha kane ka sngi u la pdiang burom ruh ia u MDC barim khun jong u myntri rangbah barim ka jylla u SC Marak u la ba la wan ban pyniasoh sha ka party NPP bad ki nongkyrshan jong u bad katba dang mih ki sngi ki briew ki dang pyniasoh sha ka party.
La ong ba kum u myntri rangbah ka jylla u khlem shim ba u dei jong ka NPP, hynrei dei jong u paidbah ka jylla bad u la pyrshang ban pynioh ia ki skhim pynroi sha ki jaka khlem da shim liang namar baroh ki dei ki paidbah jong ka jylla khamtam ha kaba shna ia ki surok.
Ha kane ka jingialang la ai jingkren ruh da u Deputy Speaker U Timothy D Shira, ha kane ka sngi bun ki nongkyrshan ka NPP kila wan ban ia shim bynta ha kane ka jingialang paidbah kaba la pynlong da ka NPP.
