Shillong, Nohprah 07: U Secretary ba dei peit ia ka tnad pla pisa jong ka jylla u Sanjay Goyal , u la ong ba ki paidbah kimd ei ban khulsai namar ka jingdon ki pisa lut rit ha ka jylla kala biang mynta. Katban da poi kane ka aoim leh kmen kan dang kham biang shuh shuh.
La ong ba u Chief Secretary jong ka jylla u la shim khia bha ia kane ka kam bad man ka sngi u juh ia kren bad ki briew jong ka tnad plas pisa jong ka sorkar pdeng bad ka ophis jong ka RBI ban peit b aka pisa ka dei ban poi biang sha kane ka jylla kham tam ki lut rit.
U la ong ba ka jingdon ka pisa ha ka jylla na ka 5 pc ha ki shiphew sngi kiba la dep kala kiew mynta sha ka 12 pc kumba ka long mynta ka sngi bad ha kine ki khyndait sngi kan sa kiew sha ka 20 pc. Kane kan long beit tang ha ka liang jong ki pisa kiba dei ki lut rit khlem da khein ia ka lut ar hajar tyngka.
Ban pynsuk shuh shuh ia ki paidbah ban ioh ia ka pisa thymmai nalor jong ki bank bad ki post ophis, ka sorkar kala bethah ia baroh ki bank ba kin buh ia ki briew ban pynpoi ia kane ka pisa sha ki paidbah da kaba thung ia ki ban ia treilang bad ki bank.
La bethah ruh ia baroh ki Deputy Commissioner ba kin pyn long ia ka mela kylliang pisa ba kito kiba don ia ki lut ar hajar tyngka kin ia bujli noh bad ki lut shiphew tyngka ban suk ha kaba biah ha ka ia dei ia pet ha ki iew ki hat.
