Shillong, Risaw 22: Ka seng Hynniewtrep Integrated Territorial Organsation (HITO) mynta ka sngi kala phah da ka jingthoh sha u Secretary jong ka Meghalaya Board Of School Education (MBOSE) ban kyrpad ban buh ia ka jaka thoh elsamin matrik ha shnong Barato West Jaintia Hills District.
Ha ka shithi kaba la thoh sha u secretary ka MBOSE ka seng kala ong ba kala don kam ban don ia ka jaka thoh eksamin matrik hapoh ka shnong Barato na ka bynta ka jingbit jingbiang jong ki khynnah pule katei ka thain kaba don ha khappud bad ka Assam.
Ka HITO kala ong ba katei ka thain ki don san tylli ki Secondary School bala iathuh da ka sorkar bad ki samla pule ki don hapdeng 150 bad 170 ngut ki khynnah pule bad kine ki skul ki ia jngai kumba 35 km kawei na kawei ka skul kaba ki khynnah ki hap ban iaid kjat ban poi sha ki jaka thoh eksamin.
Na ka bynta ka jingbit jingbiang jong ki khynnah pule katei ka thain kaba dang sahdien ka seng ka kyntu ia ka MBOSE ban buh ia ka jaka thoh eksamin matrik ha katei ka shnong Barato kaba long pdeng ia baroh ki shnogn kiba don ia ki Secpoudnary School, ia ka shithi da u bah Daarphi Sariang President Elaka Shilliang Myntang.
