Shillong, Nohprah 23: Ki saw ngut ki MDC jong ka seng HSPDP hapoh jong ka KHADC mynta ka sngi kila ai da ka jingthoh sha u Bah P N Syiem ban pynpaw ba ki rai ba kin ai ia kane kane People Democratic Front (PDF) Executive Committee hapoh ka jingialam ka jong u.
Ia kane ka shithi ba la kyrshan ia ka PDF executive committee kaba la ialam da u Bah PN Syiem la soi daw baroh saw ngut ki MDC da kaba ong ba ki la leh ia kane hadien ka jingiamir jingmut hapoh jong ka party ha kaba kila shim ia ka rai ban kyrshan ia kane ka EC ka jong u hapoh jong ka KHADC.
Ka daw ba kine ki MDC jong ka HSPDP kila ai ba balei ki leit ban kyrshan ia kane ka EC jong u Bah PN Syiem, ka long ba ki kwah ba kum u CEM u dang dei ban ialeh ha kaba ia dei bad ki kam kiba ia dei bad ka jaidbynriew ban iada ia ki riti ki dustur jong ka jaidbynriew rit paid.
Ia kane ka shithi la soi da ka kong Teilinia S Thangkhiew kum ka nongialam jong ka PP, u Bah Samlin Malngniang kum u PP Secretary, Bah BB Warjri bad u Bah Pyniaid S Syiem kum ki dkhot jong ka PP. Da ka jingleit kyrshan jong kine ki saw ngut ki MDC jong ka HSPDP ka liang synshar mynta kala don 22 ngut ha ka iing dorbar kaba 29 ngut namar bay m pat thung ia u MDC shisieh. Ka long pyrshah ka don hynniew ngut.
