Shillong, Lber 23: Ka long kaei kaei kaba khraw na ka bynta ka seng BJP ha kaba u wei na ki nongialam jong ka seng UDP u bah David Kharsati lem bad ki nongkyrshah jong u mynta ka sngi kila leit ban pyniasoh bad ka seng BJP shuwa kane ka MP election.
Ia kane ka jingialang ban pdiang burom ia utei u nongialam jong ka seng UDP u ba la pyniasoh bad ka BJP la pynlong ha ophis treikam jong ka seng, na ka liang jong ka BJP kala pdiang sngewbha ia u tei nongialam sha ka seng BJP.
Ha ka jingkren pdiang burom na ka liang jong u president jong ka seng u Bah Khlur Singh Lyngdoh u la ong ba kane ka jingwan jong u Bah David kan long ka jingkykhu ia ka BJP ha kane ka jylla Meghalaya ha kaba kin ia trei shitom ban pynjop ia u kyrtong na ka seng jylla Meghalaya.
Ha kane ka kynti kaba mynta ka seng BJP kan jop palat ia ka 272 ngut ki MP hapoh Lok Sabha. Ha ka jingkren jong u Bah HS Syiemlieh president barim jong ka BJP u la ong ba kumba ka long mynta ka jingangnud jong ki paidbah kane ka Ri India ba u Modi ynlong u myntri rangbah duh jong ka Ri jur bha.
Ha ka jingkren jong u Bah David Kharsati u ba la sdang ia ka sain pyrthei kaba thymmai bad ka BJP u la ong ba ka jingkynnoh bamsap ha kane ka Ri kala jyllei sha ba palat bad ka seng kaba lah ban ia khun bad pynduh jait ia kane ka kam bamsap dei tang ka BJP.
Haba ia dei bad ki seng riwlum na ka liang jong u Bah David Kharsati uba dei ruh u MDC ba rim hapoh jong ka KHADC, u la ong ba ki seng riewlum ki don ia kita ki nongialam kiba lah ban ialam ia ka jylla ba kan kiew sha khmat.SP News)
