Shillong Lber 16: U Chairman jong ka North East Regional Partirs Forum (NERPF) u myntri rangbah ka jylla Nagaland u N. Rio u la ong ba ki seng riewlum baroh kin ia kynduh lang ha ka 23 tarik mynta u bnai ha Assam.
Kane ka jingiakynduh ka long ban ia sngewthuh jingmud bad ka jylla Assam ka dei kawei na ki jylla kaba ka hap ban long kum ka hynmen bah eh duh, kane ka jingiakynduh ka long ban ia kren ia ki jingeh kiba kane ka thain ka ia kynduhlang kum ka dong bad ka thain.
Kum ki seng riewlum ki dei ban ia sngewthuh ban ia treilang na ka bynta kawei ka thong ban neh ban sah bad kum ba ka long ia ka dong shatei lam mih ngi jong ka Ri India la ithuh kum kawei ka kynhun.
Kumba ka long mynta ka AGP bad ka BJP kim shym la ia the parok ha kane ka election kaba mynta, hynrei na ka liang jong ka NERPF kan ia kren bad ki nongialam jong ka BJP kiba ha khleih duh ban ia don ia ka jingiasngewhtuh jingmud khnang ba ka Congress kan nym shim kabu.
Kumba ka long mynta ia ka BJP la shu kynnoh ba ka dei ka party ba long ia pyrshah niam, u tei u myntri rangbah ka jylla Nagaland u buh ka jingkylli kaei pat ka Congress? Ka Congress ka ai jingiada ia ki briew kiba long pyrshah jaid bynriew bad lada ka long ba ka BJP ka long pyrshah niam kumta kum juh ruh ka seng Congress la kynnoh kylla u Rio.(SP News)
