Shillong, Naiwieng 08: U bah Titosstarwell Chyne Chief Executive Member jong ka KHADC haba jubab ia ka jingkylli bala wanrah da u bah Balajeed Ranee la ong ba kila don 45 ngut ki nongai dawai khasi kiba la buh ia ki aplikoshon ban ioh ia ka jingithuh ia ka kam kaba ki trei.
Haba jubab ia ki jingkylli bynrap la ong ba ka ophis jong ka KHADC kala pynkhreh ia ki kyndon kiba bun shuwa ba kan ai ia ka jingithuh kan nym lah ban shu ai kumta kat ia kiba wan ban pan ia ka jingithuh.
U EM ba dei peit ia ka Labour Laisen u bah Victor Ranee la ong ba ka KHADC kam shym la ai shuh ia ka Labour Laisen ha dien ba ka sorkar kala thaw ia ka ain ha kaba ia dei bad kane ka kam ai jingbit ia ki nongbylla.
U CEM jong ka KHADC haba jubab bynrap ia katei ka jinglylli bala wan tah da u bah Gabriel Wahlang, la iathuh ba kam shym don ka ain kaba shai ban ai ia ka Labour laisen hynrei la shim na ka ain Trading byn non tribal kaba hap hapoh ka jingai jingshakri haba ka sorkar kala wan rah ia ka ain ka ain jong ka District Council ka iap noh.
Haba ia dei bad kane ka District Council kala dep ban pdiang ia ka billban pynkylla ia ka ain jong ka Trading by Non Tribal ia kaba ka sorkar haduh mynta kam pat ai ia ka jingmynjur halor kane ka jingpynkylla ia kaba la dep ban phah sha u Lat ka jylla ban ioh ia ka jingmynjur.
U CEM haba jubab ia ka jingkylli u bah Gabriel Wahlang haba ia dei bad ka jingai ia ki syrnot bym don jingujor, la ong ba ka shong katkum ka jingdon kam kiba lada pyndon kam ia ka khyndew la ai na ka tnad ba peit ia ka khyndew da dei ia kiwei la ai da ka tnad khlaw ka shong katkum ki jingpan.
U Bah Teiborlang Pathaw EM ba dei peit ia ka jingtei ia ki iing jong ka District Council la ong ba katkum ka PIL No. 10 ha kaba ia dei bad ka jingtei harud wah Umiam, kane kala ktah lang ia ki jingtrei jong ka KHADC ha jingkieng Kalong bad ka jingkylli kaba ka MSPCB ka long halor ka Septic Tank, kan sa don ka jingiapynbeit ban ioh ban sdang biang ban pyndep ia kane ka jingtrei.
