Shillong, Naitung 31: Ka tnad ka koit ka khiah kala pyntip ba mynta ka sngi kiba la test COVID-19 positive ki don 55 ngut, na East Jaintia Hills 1, East Khasi Hills 16, North Garo Hills 2, South West Garo Hills 1, West Garo Hills 32, West Jaintia Hills 3 ngut.
Ka jingdon kiba shitom na kane ka jingpang COVID-19 ha la kylla kila kiew sha ka 724 ngut, ka jingdon kiba shitom katkum ki District ki long, East Garo Hills 6, East Jaintia Hills 16, East Khasi Hills 106, Eastern West Khasi Hills 6, North Garo Hills 15, Ri Bhoi 33, South Garo Hills 31, South West Garo Hills 44, West Garo Hills 439, West Jaintia Hills 29, West Khasi Hills 4.
Kiba la ioh ia ka jingkoit na kane ka jingpang mynta ka sngi ki don 55 ngut, kiba don ha ki jaka ai jingsumar ki don 46 ngut, na East Garo Hills 1, East Khasi Hills 25, Ri Bhoi 4, South Garo Hills 5, West Garo Hills 9, West Jaintia Hills 2 ngut. Kiba la test COVID-19 positive baroh ki long 95441 ngut, kiba la koit ki long 93112 bad kiba khlad ki long 1605 ngut baroh.
