Shillong, Jylliew 03: Mynta ka sngi ka seng HYC Shillong City kila leit ban ia kynduh ia u EM ba dei peit ia ka tnad khaii pateng u bah Rangkynsai Kharbuki jong ka KHADC ban dawa na u ban dawa ba ym dei shuh ban dang ai Trading License ia kiwei ki bar jylla.
Haba kren ha ki lat pathai khubor u president ka Shillong City u bah John Lyngdoh la ong ba ha kane ka jingiakynduh bad u EM kila ban jur ba namar ki khasi kila lah ban leh ia ki kam ki kam ka KHADC ka dei ban sangeh noh ka jingai trading lisen sha ki briew kiba wan na sha bar.
Ha kane ka jingiakynduh na ka liang jong ka seng kala ban jur ba ka KHADC ka dei ban peit bniah ba kiba ioh ia ka trading laisen ki dei ban pyndom kam thik tang ia kato ka kam kaba ki pan ym da kumwei pat.
U nongialam ka HYC u la pynpaw ia ka jingsngewsih ban tip ba bun na kiba shong dukan ki kren diaw ba ki khun kim ioh jam katba ia ki dukan ha iewduh la ai wai sha kiwei pat ki jaidbynriew kane ka long kaba sngewsih, 80% ki nongshongdukan ha iew duh dei kiwei ki jaidbynriew.
U tei u nongialam ka HYC u buh ka jingkylli hato kham kor ki briew kiba na bar ban ia ki khun, kiba ha iing ha sem, ne ia ki para kur para kha, ha ka juhka por ka seng ka buh ka jingmaham ba lada don kita kiba khaii benami ia kaba ka seng kan sa peitngor ia kane.
Ha kane ka jingiakren na ka liang jong u EM ba dei peit ia ka khaii pateng u la ong ba ka jigndon ka jong u ha ka shuki ka long ban iada na ka jingai trading laisen pathar bad la ong ba kiba bun ki dei kiba shu pynthymmai ia ki trading laisen, kaei kaba wan sha ophis ka long ba ki nongpan kila dep ban ioh lut ia baroh ki kot kisla ia kaba ka ophis kan lah ban leh ei ei shuh.
