Kiba kwah ban leit peit ia ka phlim  9-Lad ki lah ban thied online ia ka tiket: Commander

Shillong: Ka Bijou Cinema ka la plie ban die online ia ki tiket na ka bynta ka phlim khasi 9-Lad ka ban sdang ban pyni ha Bijou Cinema naduh ka 26 tarik mynta u bnai. Ka por ban pyni ha bijou ka dei 11 AM, 1PM, 3PM, 5PM bad 7PM.

Lah ban kdew hangne ba ka phlim 9-Lad kadei kawei na ki phlim khasi kaba la ap khmieh lynti bha di dik da ki paidbah ban ioh peit khamtam kito ki bym pat lah ban ioh peit namar ha u snem a la dep dang io pyni tang khyndiat sngi namar ka jingwan jong ka jingpang khlam Corona.

Haba iakren bad u bah Commander Shangpliang uba dei u Director bad kumjuh ruh u Producer jong ka phlim 9-Lad u la pynpaw ia ka jingsngewkmen namar yn lah ban sdang pyni biang naduh ka 26 tarik ha Bijou Cinema bad u la iathuh ruh ba naduh ka 2 tarik yn sdang ban pyni ruh ha Galleria, Anjalee Cinema. U bah Shangpliang u la iathuh ba lyngba kane ka phlim u kwah ban wanrah ia ka khubor jong ka jingkylla kaba mut, ka jingieit bad ka jingmap.

Shuh shuh lah ban kdew hangne ba kane ka phlim ka la paw shuh shuh namar ka la don ka jingiakren bha halor ka 9-Lad kaba la mih ruh ka jingiakren ha kane ka dorbar mang tyngka kaba dang shu dep ha kaba u bah Adelbert Nongrum MLA u la leit rah ia ka mat iakren halor ki thei die met ha 9-Lad.

Lah ruh ban kdew hangne ba kane ka phlim ka la shah nominate kum ka best film, best director bad ka la ioh rah ruh ia ka khusnam best actor female lyngba ka wanri pyngrope ha ka prag cine award kaba dang shu long dangshen.

 

What Next?

Recent Articles

Leave a Reply

Submit Comment

*