Shillong, Naitung 30: Ka tnad ka koit ka khiah kala pynip ba baroh kiba dang shitom na kane ka jingpang COVID-19 ha ka jylla baroh kawei kala kiew sha ka 5791 ngut, kiba la test positive mynta ka sngi ki long 569 ngut.
La iathuh ba kiba la ioh ia ka jingkoit mynta ka sngi ki long 517 ngut, Kiba la ioh ia ka jingkoit na kane ka jingpang mynta ka sngi ka dei na East Khasi Hills District 206 ngut bad West Garo Hills 181 ngut, kiba la koit na kane ka jingpang ha ka jylla baroh kawei haduh mynta ki long 64314 ngut.
Ka tnad ka koit ka khiah kala ai jingkhien ruh ba kiba khlad mynta ka sngi na kane ka jingpang ki long 11 ngut, East Garo Hills 1, East Khasi Hills 7, Ri Bhoi 2, West Jaintia Hills 1, kiba la khlad baroh kala kiew sha ka 1073 ngut.
