Shillong, Rymphang 17: Ka tnad ka koit ka khiah mynta ka sngi kala pyntip ba kiba don ha ki Hospital ban shah sumar na kane ka jingpang COVID-19 ki don 69 ngut ha ki hospital bapher bapher, ha East Khasi Hills 55 ngut, Eastern West Khasi Hills 1, South Garo Hills 1, South West Garo Hills 2, West Garo Hills 6, West Jaintia Hills 3 ngut.
Kiba dang don ha pdeng ka jingshitom baroh ha ka jylla na kane ka jingpang COVID-19 ki don 510 ngut, kiba la test COVID-19 positive mynta ka sngi pat ki don 42 ngut na ki phra tylli ki District, bala test bun eh dei na East Khasi Hills 15, West Garo Hills 8, Ri Bhoi 6 ngut.
Kiba la ioh jingkoit na kane ka jingpang mynta ka sngi baroh ki long 82 ngut bad kiba koit ki long na baroh ki district ha ka jylla, ba koit bun eh dei na East Khasi Hills District 35 ngut, West Garo Hills 18 ngut. Kiba la koit baroh haduh mytna ha ka jylla ki long 91098 ngut.
