Shillong, Jymmang, 15: U Director ka tnad ka koit ka khiah u Dr. Aman War mynta ka sngi u la pyntip ba baroh kiba la test COVID-19 positive ki long 560 ngut, baroh kiba dang shitom ki long 4338 ngut. Ha East Khasi Hills 2449 ngut.
La pyntip ruh ba kiba la ioh ia ka jingkoit mynta ka sngi ki long 215 ngut, kiba la koit haduh mynta baroh kila kot sha ka 18124 ngut.
La pyntip ruh kiba khlad na Kane ka jingpang mynta ka sngi ki long 21 ngut, na kine ba khlad ha East Khasi Hills 17, Ri Bhoi 2 bad West Jaintia Hills 2 baroh kiba khlad kila kiew sha ka 301 ngut.
Na ka jingkhein ka ba la aisa lyngba ka tnad ka koit ka khiah kiba bun eh kiba la test positive mynta ka sngi ki dei kiba don jingiajan bad kiba shitom, kiba la test COVID-19 positive kiba don ka jingiajan bad kiba shitom ha East Khasi Hills ki long 141 ngut.
La ioh jingkhein ruh ba mynta ka sngi kiba la test COVID-19 positive hapoh ka shnong Ummulong ka ba hap hapoh jong ka West Jaintia Hills District ki long 44 ngut.
