Shillong, Naitung 23: U Myntri ba dei peit ia ka tnad ka koit ka khiah u bah AL Hek mynta ka sngi u la iathuh ba kiba la test COVID-19 postive mynta ka sngi ki long 19 ngut, na kine 13 ngut ki BSF ha East Khasi Hills District, 3 ngut ha West Garo Hills bad 3 ngut ha South West garo Hills.
La iathuh ba baroh kiba la koit haduh mynta ka sngi ki long 82 ngut, kiba dang shitom ki long 448 ngut, kiba la shim nongmuna haduh mynta ki long 30751 ngut bad kiba la test Negative ki long 28967 ngut bad ka resolt kaba dang ap ki long 550 ngut ki briew ka jylla kiba la wan phai baroh ki long 23551 ngut.
Haba shim katkum ki District, ka East Khasi Hills ka don 375 ngut, ki BSF ki don 281 ngut, kiwei ki long 80 ngut bad ki kynhun shipai ki long 14 ngut. Ha Ri Bhoi ki don 42 ngut, West Jiantia Hills 5 ngut, East Jaintia Hills 3 ngut, West Garo Hills 15 ngut, South West Haro Hills 4 ngut, East Garo Hills 1, North garo Hills 1 bad South garo Hills 2 ngut.
U Dr Aman War u la iathuh ba ka jingwat ia kito kiba don ka jingiajan bad ki lai ngut ki briew kiba la test COVID-19 ka dang iaid bad haduh mynta na kiba la ioh ban test pat lap ba kin long positive, ka jingwat ia kiba don ka jingiadei ka dang iaid.
