Shillong, Iaiong 26: Kumba ka Ri baroh kawei ka pyntrei kam ia ka Swachh Bharat Abhiyan (Clean India Movement), u Chief Executive Officer jong ka Jowai Municipal Board, Jowai, u kyntu ia ki paidbah nongshong shnong jong ka sor Jowai ba kin ai ia ka jingiatreilang ban pynlong ia ka sor Jowai kaba khuid.
Haba ia dei bad kane na ka liang jong u CEO jong ka JMB u la kyntu ia baroh ki paidbah nongshong shnong ba kin sngewbha ban lum ia ki jaboh ha ki iing ki sem jong ki ia ki ba pyut bad ki bympyut la ka jong ka jong bad ki paidbah kim tei ban bret jakhlai pathar ha ki surok lane ha ki lynti shnong.
La mana ia ki briew ba kimd ei ban thang ia ki niut ki nier ha ki jaka paidbah bad lada lap ia kiba thang ia ki niut haki jaka paidbah yn dain kuna T.5000/- tyngka. Ha ka juh ka por la kyntu ia ki paibah ba kin pyntip sha ka ophis lada ki lap iano iano ba bret niut ha surok lane lynti syngkieng.
U Chief Executive Officer jong ka Jowai Municipal Board u la bethah ia baroh ki nongshong dukan ba la kumno kumno sanmetter na ka dukan jong ki kam dei ban don niut don nier bad lada lap ba don ki jaboh jabain ha jan ka dukan jong ki kin shah pynshitom da ka kumna kaba T.5000/- tyngka.
