Shillong, Rymphang 22: U Myntri Rangbah ka jylla u Conrad K Sangma haba jubab ia ka jingkylli kaba la wan rah da u bah Banteidor Lyngdoh la ong ba ki jingialang sorkar kiba la pynlong ha Vivanta bad Courtyard naduh ba la plie ia ki ki long 23 sien.
Haba ia dei bad ka jinglut baroh ha kitei ki 23 sien ki jingialang kala kot sha ka T.2,13,96,000/- tyngka bad ia kane ka pisa la siew da ki tnd sorkar ki bapher bapher kiba pynlong ia ki jingialang. Ka jinglut kaba bun eh dei ba don ka jingialang jong ka G-20 kaba la kot sha ka T.65 lak tyngka.
U myntri rangbah haba juba ia ki jingkylli bynrap la ong ba ka sorkar ka pynlong bun ki jingialang kum ha State Convention Centre, ha Pinewood ruh kum juh bad ka jingkhot iaki jingialang ha kino ki jaka ka long ruh katkum ka jingialang kaba ki don.
Haba ia dei bad ka jingia die ia thied ka sorkar kam lah ban ong ei ei namar kun kine ki Hotel ruh ki don la ka jong ka rukom pyniaid haba don ki jingialang lada dei bad ki mar ba pynmih na kane ka jylla sorkar ka ialeh ban pynrung.
Haba poi ha ka ai kam ia jam u myntri rangbah ka jylla u la ong ba 80% haduh 85% kiba trei ha kine ki ar tylli ki Hotel kidei na kane ka jylla Meghalaya. U myntri rangbah la ong ba kin dang mih shuh kum kine ki hotel ha kane ka jylla.
