Shillong, Katkum ka jingkhein kaba la aid a ka tnad ka koit ka khiah kiba khlad ha ka jylla Meghalaya haduh mynta ka sngi kala kiew sha ka 1200 ngut, kiba khlad mynta ka sngi ki don 5 ngut, saw ngut dei kiba khlem pat ai Tika, kiba khlad saw ngut dei na East Khasi Hills bad wei na Ri Bhoi District.
Kiba la test COVID-19 positive mynta ka sngi ki don 429 ngut, kiba la test bun eh ki dei na East Khasi Hills 153 ngut, West Khasi Hills 80 ngut, Ri Bhoi 71 ngut, kiba dang shitom baroh ki long 4539 ngut haduh mynta ka sngi.
Kiba la ioh ia ka jingkoit mynta ka sngi ki long baroh 381 ngut, kiba la koit bun eh mynta ka sngi dei na East Khasi Hills 227 ngut, Ri Bhoi 46 ngut, kiba la koit baroh ha ka jylla na kane ka jingpang ki long 70661 ngut haduh mynta ka sngi.
