Shillong, Naiwieng 28: U Myntri ka tnat Social Welfare u Bah Paul Lyngdoh u la pyntip ba shen yn sa iakren hapoh ka jingialang ka kynhun Myntri Sorkar halor ki kyrteng ba la iathuh ba thung Chairperson jong ka Meghalaya State Commission for Women (MSCW).
Haba kren sha ki lad pathai khubor u Bah Paul Lyngdoh u la iathuh, ka tnat Social Welfare ka la dep don saw tylli ki kyrteng kiba la ibit ban thung kum ka Chairperson jong ka MSCW, ia kine ki kyrteng yn sa rah sha ka jingialang ka kynhun myntri ban shim ia ka rai.
U Bah Paul u la ong kane ka kam ka dang don hapdeng ka jingbishar bniah ia ki saw tylli ki kyrteng kiba ka tnat Social Welfare ka la ibit ban thung Chairperson bad ia kine ki kyrteng yn sa rah ha ka jingialang jong ka kynhun Myntri Sorkar ban ioh ka jingmynjur.
Na ka liang jong u myntri la ong ban a ka tnad jong ka Social Welfare ka kwah da ka briew ka ba tbit bad ka ba kynsai ban khlieh ia ka MSCW kaba khmih ia ka bha ka miat ki kynthei ha ka jylla baroh kawei.
