Shillong, Lber 02: Ka FKJGP Mawsynram Circle ka pynpaw iaka jingsngewkmen hadien ba la iohi iaka jingwan phai pat jongka bor synshar ha kaba ki seng riewlum kila ioh ban thaw iaka EC kaba thymmai hapoh ka KHADC, kalong kaei kaei kaba dap daka jingkyrmen shisha iaka mynsiem ki riew ieit Ri.Nakaliang ka seng ka phah iaka jingkitbok kitrwiang sha baroh kawei ka Dorbar ba kin ai iaka jingshakri kaba pura haduh ban da kut ka samoi treikam.
Ka Seng ka kyntu bad ai mynsiem ruh ia baroh ki Nongialam (MDCs) naki seng riewlum ba kin da ai iaka jingshakri bad ka jingshaniah kaba skhem kaban long ka jingiada naka bynta ka Ri khamtam iaka Jaidbynriew jongngi lashai la shi sngi.
Ka Seng lyngba une u kyrwoh ka pynkynmaw iaki por bala leitnoh iaka jingshah iuh roit jongka Jaidbynriew.Kumta kadei kane kein kapor ban kyndit bynriew hashuwa ba ka
umsaw kan kit noh.
Ka Seng ka kwah ruh ban pynsngew hangne ia ka bor synshar ba thymmai jongka KHADC kaba latip kum ka All Regional Parties Alliance (ARPA) ban pynthymmai noh iaki katto kattne ki kyndon haka Assam(and Meghalaya) Automous District (Constitution of District Councils) Rules 1951 bad ruh ha kaba ia dei bad ka jingbatai haka sub A rule 128 jongka Autonomous District Rules kaba ong “uno uno u nong India ne u nongshong shnong uba la palat ka jingithuh na ka 180 sngi ha kano kano ka constituency u lah ban ialeh iaka election MDCs”.
Kaba mut ba kiwei pat ki jaidbynriew ki bymsngewthuh wat tang iaka ktien Khasi bad ruhki bym don ka jingnang jingtip ei ei ruh em ha kaba iadei bad ka Riti ka Dustur jongka Jaidbynriew Khasi kilah ban long ki MDC, hato kilah mo ban shakri lem iangi bad lada jia ba ki long kum ki MDC jong ka KHADC kilah ne em ba kin sngewthuh iaka dor jongka Jaidbynriew jongngi.
Ka Seng ka kren ia kane ym ban wan rah iaka jingiasngewpher Jaidbynriew hynrei kumba u Blei Nongbuh Nongthaw ula bynta na duh u Khasi,Jaintia bad u Garo hala ki jong ki jong ki Riti ki Dustur bad ruh haba phai shaka synshar ka khadar ia kaba la don la ki jong ki jong ki Autonomous District Council te ai ia baroh ba kin bishar khambha iala ka jong ka Riti ka Dustur khlem da kwah ban tuklar iaka jong kiwei,namar kane kadei ka kam iap kam im ha manla kawei pa kawei ka Jaidbynriew rit paid.
Ka Seng ka kren shai hadien ba la iohi ba don naki katto katne ki constituency jongka Ri Khasi jongngi kiba la pynmih candidate daki wei ki jaid bynriew ban phah iasaid iaka hok bad ka nongkynti jongka Riti ka Dustur u Khasi shapoh KHADC,hato kane kan ialam shano lada jia ba kitei ki candidate kin jop.
Ka Seng lyngba kane ka  kyrwoh ka kyntu jur ba la kumno kumno na kaliang ka District Council ka dei ban pynduh pyndam noh shi syndon iakatei ka rule namar haka jingsngewthuh shai ba lada katei ka kyndon kan iai neh kumjuh kumba kalong ka jingeh bad ka jingma kaba khraw kan ap iaka Jaidbynriew rit paid bad nyngkong nyngshap eh iakito ki Hima bad ki shnong Khasi kiba shong ba sah haki khap border jongka Assam bad Bangladesh.(SP News)
