Shillong, Lber 01: Ka seng Samla pule ka Jaintia Studeents’ Union (JSU) kala ai ka jingkhublei ia ki khynnah pule ka jylla khamtam iaki paradoh parasnam kiban sa thoh iaka eksam SSLC bad HSSLC jong une u snem 2024.
Ka seng lyngba ka ne ka kyrwoh ka phah iaka khubor sha ki samla pule ba kin leh bha iaka eksam jong ki namar ka eksam matric bad HSSLC ka dei kaba donkam tam haka jingim pule ka jong ngi baroh namar kadei ka eksam kaban ailad ban bteng shuh shuh ia ka jingpule ka long ka jingplie lad ha ki jingpule bapher bapher.
Ka JSU Kala ong ba lada ki kheiñ bad leh sting ia kine ki ar tylli ki eksam lah ban babe ha dien bad lada ki leh bha ka lawei ba phyrnai ka ap ia kiba leh bha . Kumta ka seng ka kyntu iaki khynnah pule ba kin minot thop bad pylleit jingmut shuwa haka pule kot bad thoh bha iaka eksam SSLC bad HSSLC.
Ka JSU ka kyntu ia baroh ki samla kiba ia khun ia ka eksam SSLC bad HSLC ban ym pyllut por ha ki kamkai ban lait na ka jing babe ha dien, na ka liang jong ka seng ka ai ka jingkitbok ia baroh ba kin leh bha ha kane ka eksam.
