Shillong, Naitung 31: U bah Bless Dkhar President ka seng HNYF jong ka Shillong City, mynta ka sngi u la ong ba ka seng kam don bynta ei ei bad ka seng HNLC, hynrei ka seng kan thwet ia kito kiba pyndon kam ia ka kyrteng HNLC lyngba ka HNYF.
Haba kren ha ki lat pathai khubor mynta ka sng u bah Bless Dkhar la ong ba kum ka seng HNYF ka kren shai beit sha u Synshar Khymdeit bad na ka liang ka seng ka kren shai sha ki paidbah baroh ba dang ha kine ki khyndait sngi na ka liang ka seng HNLC kala dep pynshai sha ki paidbah ba ki dang don ha ka jingiakren ia suk bad ka sorkar.
Ia kaban sa urlong ne ka bym urlong ruh ia kata yn mym lah ban ong namar ka ka HNLC kala dep pynshai ba kam don bynta ei eiruh em ha kata ka jinglum pisa beain, ha ka kyrteng ka seng hynrei kane ka dei tang ka jingshim kabu u bah Synshar Khymdeit.
Ka seng HNYF ka ioh ia ka shithi mynta lyngba ki lat pathai khubor kaba ka kyrteng ruh kam don la shu ong sah Mawlai bad ka im na ka dukan bad kala don ka jingsiew teng sha u Synshar Khyndeit namar ba la shah byrgnem.
Ha ka jingpynshai ka HNLC kala kren shai ha kine ki sngi ba kam don bynta ei ei ruh em ban dawa pisa ban leh ia kine ki kam beain ba ka dang don ha ka jingakren ia suk bad ka sorkar kala shim jingkit khlieh bandon ka jingshong suk hapdeng ka HNLC bd ka sorkar.
U bah Bless u la ong ba na ka ling jong ka HNYF ka pynbna baroh kiba shah dawa pisa ha ka kyrteng ka seng HNLC ba kin wan sha ka ophis jong ka seng lada ki ioh shisha kum kita ki jingshah dawa pisa ba kin pynshia kane ka jingphah kumne khlem kyrteng sha ki lat pathai khubor kyrteng ruh kamdon haduh katno ki lah ban ngeit la ka dei kaba shisha ne em.
Naka liang jong ka seng kin wat bad ki briew ruh lada ki don kam ia ka jingiarap kim wan sha ka seng HNYF, ka seng ka maham tyngeh ia kiba pyndon kam bakla ia ka kyrteng ka HNYF namar ka seng kam don bynta ei ei bad ka HNLC.
U tei u nongialam ka seng HNYF u la ong ba lada ki don kiba shah dawa pisa kid ei ban ujor da ka ejhar sha ki pulit station bad lada ki sngew jan ia ka seng ki dei ban wan ban lada ki don kam ia ka jingiarap ban thwet ia ki nongpyn bud nam la ong u bah Bless Dkhar.
