Shillong, Nohprah 14: U Bah Justice Paul Lyngdoh Genenral Secretary jong ka Kiang Kiang Nangbah Government College Student’s Union (KNGCSU) ha ba kren ha ki nongthoh khubor ha dien ba la dep ban ia kynduh ia ka myntri ba dei peit ia ka pule puthi ka kong Roshan Warjri u la ong ba na ka liang jong ka myntri kala kular ba ha u bnai Kyllalengkot 2017 kin sdang ban shna ia ki kamra klass ba thymmai.
Na ka liang jong ka myntri kala ong ba ka sorkar kala dep ioh ia ka pisa na ka sorkar pdeng bad kan phah ia kane ka pisa sha ka PWD Building ba kan leh ia kaba don kam ha kaba ia dei bad kiwei ki jingdon kam jong ka College la ong b aka sorkar kan sa shim khia kaei kaba ki samla pule kila dawa.
Na ka liang jong ka KNGCSU kala buh haduh khatsaw tylli ki mad jingdaw n aka myntri, ban shna shuh ia ki kamra klass ia kaba ka myntri kala kular ban sdang ha u bnai Kyllengkot 2017, ka Laboratory n aka bynta ki samla pule science ha kaba ka myntri kala ong ba kan sa shim khia.
Kiwei ki jingdawa ka long ban don ia ka hostel na ka bynta ki shynrang, ban shna ia ka jaka sah jong u superintendent ia ki kynnah shynrang, ka jaka sah ia ka nongpeit ia ka hostel kynthei, ban shna ia ka canteen ba thymmai, ban shna ia ka Library ba thymmai, ban don ia ka College Bus, ban buh ia ki security Guard, ban pynbha ia ka madan kynjat ball.
Ka seng ka dawa ruh ban shna ia u Mawmotsah kynmaw ia u Kiangangbah hapoh phyllaw jong ka College, ka jaka buh tiar, ban kyntiew kyrdan ia ka jingpule ha ka liang jong ki kor computer bad ka jingduna palat jong ki nongtrei ha ka opjis jong katei ka College. Kitei ki long ki mat kiba kane ka seng samla pule kala buh ha khmat jong ka myntri.
