Shillong, Naiwieng 28: Hadien ka jingsaphriang stead ka shithiba ka North East Petroleum Mazdoor Union kan pynlong ia ka jingsangeh ban wan pynpoi umphniang ha ka jylla kum ka dak halor ka jingshah kynnoh ba leh donbor ha ki pulit ka sorkar Meghalaya.
Naka liang jong ka Meghalaya Petroleum Dealers mynta ka sngi ka la wan sha khmat ban ai jingkyrshan ia ka tnad pulit. ka jingai jingkyrshan ka seng Meghalaya Petroleum Dealers ia ka tnad pulit ka long ha dien ba ka la ioh I ia ka jingtrei shitom jong ka Meghalaya Police ha ban kem iaki briew ki ba don kti ha kam ban tuh Umphniang na ki trok kit umphniang ki bai aid lynti na ka surok bah National Highway 6.
Na ka liang u Bah Kennedy Khyriem u ba dei u President u la pynpaw bana ka liang jong u u ai ka jingiaroh ia ka sorkarlyn ba ka tnad pulit kaba la shim khia ha ka ban kem ia ki briew ki ba don kti ha ka ban leh ia ki kam be ain.
U la bynrap ruh ba ki paid bah kim dei ban don kano kano ka jingkhuslai ha ka baiadei bad ka Umphniang jong ki kali nama rba ki trai jong ki petrol pumps ki la dep ban kynshew lupa ia ka petrol ka balah ban neh kumba 2 ne 3 sngi.
U la bynrap ruh ba na ka liang ka sorkar jylla kala ai ka jingkular ba kan ai ia ki bor pahara la da don kam na ka bynta ki trok kit umphniang ki baleit ban kit ia ki umphniang na ki karkhana tad ha duh ba kin da poi ha ki jaka ba ki dei ban pynhap.
