Shillong, Nailur 14: Ban leit ai jingkyrshan ia ki nonghikai SSA kiba pynlong ia ka jingiakhih ha madan Malki saw ngut ki MLA na ka seng Congress u bah Himalaya Shangpliang, u Lazarus Sangma, u Zenith M Sangma, u bah Mahendro Rapsang ba du bah George B Lyngdoh.
U bah Himalaya Shangpliang haba kren ha kane ka jingiakhih ban ai mynsiem ia ki nonghikai SSA la ong ba na ka liang jong ba kin rah ia kane ka jingeh jong ki hapoh iing dorbar thawain ban ia kren bad ban pynsngew sha ka sorkar ia kane ka jingeh jong ki.
La ong ba katba ki dang ieng kila ioh sngew ia ka jingkren u president, ha kaba ia dei bad ka tulop kaba la sah mynta lai bnai, kiwei ki jingeh kaba ki nonghikai kin sa lah leh se ban ioh shuwa ka snem 2026.
La ong ba kum u MLA un rah ia kane ka mat ban ia kren hapoh iing dorbar, la ong ba kim tip kaei ka jingeh hynrei lada ka don ka mon ka don ka lynti bad kila buh ia ka mat ia kren na ka bynta ki nonghikai ha Meghalaya.
Ha ka jingkren jong u Zenith M Sangma u la ong ba ki don ka jingsngewkhia ia kane ka jingeh jong ki nonghikai bad ka dei ka kamram jong ki ban pynsngews sha ka sorkar hapoh iing dorbar thawain ka jylla bad kin wat ia ki lynti katkum ki kyndon ban ia kren ia kane ka kam hapoh ka iing dorbar.
