Shillong, Nailar 19: U Bah Sosthenes Sohtun MLA jong ka Jirang na ka party NPP mynta ka sngi u la ialam ia ka kynhun ki riew rangbah ka thain sha u Myntri Rangbah ka jylla u Cornad K Sangma ban dawa ban kyntiew ia ka Patharkhamah Adminstrative Unit sha ka Civil Sub Division.
Haba kren ha ki lat pathai khubor ha dien ka jingiakynduh bad u myntri rangbah ka jylla u bah Sohtun MLA, u la ong ba ha kane ka jingiakynduh na ka liang jong u myntri rangbah ka jylla u la ai ka jingkular ia kane ka kynhun ba un sa peit bniah ia kane ka jingdaw.
U Bah Sohtun u la ong ba kane ka jingdawa ban ioh ia Civil Sub Division kam dei kaba dang thymmai hynrei ka dei laba la palat bun phew snem bad ha kane ka kynti kaba mynta ki don ka jingkyrmen ba ka jingangnud ki paidbah kan urlong.
U Bah Easman Lyngdoh ba dei u lamphang jong ka Civil Sub Divison Demand Committee u la ong ba ki paidbah katei ka thain kila dawa ban ioh ia ka Civil Sub Davison la slem bha, ka daw jong ka jingangnud jong kiban ioh ia ka Civil Sub Division ka long katei ka Ri Bhoi sep ngi ka dei kaba la jngai palat na Nongpoh.
Nalor ka jingbym biang ki surok kala buh ia ki paidbah ha ka jingeh na ka bynta ka jingdon kam ka jong ki kiba man ka por, dei na kane ka daw ba kane ka jingdawa ka long kaba shong hok na ka bynta jong ki paidbah katei ka thain bad ki don ka jingkyrmen ba ha kane ka kynti kaba mynta kin ioh ia ka jingangnud ki paidbah.
Ha kane ka jingiakynduh lang don lang myntri u bah D. Lamare, u MDC ubah Victor Ranee bad ryngat ki riew rangbah katei ka thain Jirang kiba la ia don lang ha kane ka jingiakren hapoh ka jingialang u MLA jong ki u bah Sohtun.
