Kular u Conrad ia ka JAC ka MeECL ban  u peit bniah ia ka jingeh jong ki: TR Pdah

Shillong,Rymphang 11: Ka kynhun ki nongtrei ka Meghalaya Electricity Corporation Limited (MeECL) hapoh ka lama ka MeECL Joint Action Committee (MeECL-JAC) kila iakynduh ia u myntri rangbah ka jylla u Conrad K Sangma ban dawa ban pynsted ban pyllait noh ia ka pisa bai bam tymmen bad kiwei pat kaba la kot sha ka T. 840 klur kaba dei ban ioh da ki nongtrei hadien ba la pynkylla kompeni ia ka MeSEB.

U Bah TR Pdah lamphang ka JAC haba kren ha ki lad ptahi khubor u la ong ba la iaid shiphew snem ba la pynkylla kompeni ia ka MeSEB naduh ka 10 tarik Iaiong 2010 hynrei haduh mynta ka sorkar katpat siew.

U la iathuh ba ka sorkar ha katei ka por ba pynkylla kompnei kala shim ia ka rai ban  pynjlan ia ka por treikam ka bym dei ban duna ia kaba ju pyntreikam ka sorkar ia ki nongtrei bad kawei pat ka long ban siew sha ki nongtrei ba shongthait kaba long T.840 klur haduh u Lber 2010. Ki don kumba 3 hajar ngut eiei ki nongtrei ka MeECL kiba shong thait bad kiba rung kam shwa u Lber 2010.

U bah Arju Dkhar u la iathuh ba naduh u Iaiong 2010 haduh u Lber 2019, ka MeECL ka la siew hi na ka pla la jong kaba la kot sha ka T. 570 klur namar bym ioh ka jingkyrshan pisa na ka sorkar jylla bad kane ka la ktah jur ia ka pla pisa ka MeECL.

U la iathuh ba ha ka jingkren, u myntri rangbah ka jylla u Conrad K Sangma ba un sa bishar bad un sa lum jingialang ban iakren bad ka tnad pla tyngka ha kaba iadei bad kane ka kam. Ka jingkynduh ka long ba kine ki jingkular ka sorkar kaba la iaid mynta sha ka shiphew snem kam pat urlong satia haduh kine ki sngi.

U Bah TR Pdah u la ong ba ka JAC kam shym la dawa ba ka sorkar ka dei ban siew noh mardor ia kane ka T. 840 klur namar ba ki sngewthuh ia ka jingeh hynrei kila buh kyndon ba ka sorkar ka dei ban sdang noh ban siew naduh u Iaiong ban wan mynta u snem.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet