Kum kalad jingiada na “Coranavirus”  khang ia ki jaka pule haduh 31th Lber: Hek  

Shillong, Lber 16: U Myntri ka koit ka khiah u Bah AL Hek mynta ka sngi u la pynbna hapoh ka iing dorbar ba naduh la shai ka sngi baroh ki skul bad ki college ha ka jylla Meghalaya kin khang kum ka lad jingiada ban lait na ka jingpang Coranavirus.Na ka bynta kito kiba dang don ha pdeng ka eksamin, ki eksam kin iaid beit kumba la buh.

U myntri ka koit ka khiah  la ong ruh ba baroh ki jaka ba lum paidbah kum ki jaka pynibaiskop, ki jaka kilan met, ki pata kyiad, ki jaka jngi kine ruh kin khang, kino kino ki jingialang kiba la buh ban pynlong ha kaba ki ba bun ki briew kin ia lum dei ban pynsangeh noh.

La bthah ruh ia kito kiba leit sha bar bad ki ban wan ruh ka bthah ba ki dei ban kiar lada ka long kaba lah, dei ban kiar na ki jaka ba don bun ki paidbah, bad ha ki jaka paidbah kum ha ki ophis dei ban kiar na ka jingiakhublei kti.

Ia ki jaka ialehkai kiba la dep ban pynbna bad ki tamasa kiba la dep ban pynbna dei ban buh teng shuwa, haba shong ha ki kali paidbah dei ban kiar na ka jingpyniadei met pyndei phat, na ka bynta ki compenti lada ki nongtrei ki lah ban trei na iing dei ban shah ia ki.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet