Shillong, Jymmang 16: U MLA ka Resubelpara u Timothy D Shira ba dei ruh u Deputy Speaker ka jylla Meghalaya u la ong ba kum u MLA jong katei ka jaka u la dep ban thoh sha ka sorkar ban maramot ia ka surok hapoh Resublepara.
Haba kren ha u SP News Agency, la ong ba kam sorkar kam dei kum ka kam jong ki riew shimet, ka sorkar ka long ba hap ban thoh sha ka sorkar bad ka sorkar kan sa mang pisa ban shna ia ka surok.
La ong ba u la dep ban ia kren bad u myntri rangbah ka jylla bad u myntri rangbah ka jylla u la leit ban jngoh ia katei ka surok bad ka jingshna kam dei tang ia ka tei ka surok hynrei ki don kiwei ruh ki surok hapoh Resubelpara.
Katkum ki skhim kiba la pynkhreh mynta kan kot sha ka T.15 klur tyngka ban shna ia ki surok hapoh Resubelpara bad khmih lynti ba ynda la dep ka MP elekshon khmih lynti ban ioh ia ka mang pisa ban shna ia ki surok.
La ong ba ka jingkynnoh jong u MDC katei ka jaka kam long kaba shisha ha ka jingshisha kum u MDC u dei ban thoh ruh sha ka sorkar ban pynioh skhim hynrei ymjuh thoh u shu nang tangban kynnoh, ki paidbah ki sngewthuh ia katta, la ong u MLA.
