Mawkynrew Jymmang 02:Ka Balang u Blei Secondary School, Nongjrong ha ka 29 tarik Iaiong 2016, ka la pynhap pyrda noh ia ka taiew leh kmen 2016 kaba la sdang naduh ka 25 u bnai ba la dep ha ka jingialang kaba iphuh iphieng kaba la long ha ka Madan Neng Shnong Nongjrong ha ryngkat ka jing sakhi lang da ki riew rangbah jong ka thain, ki long kmie longkpa, ki khun samla, ki kmie ki kpa jong ki khynnah skul bad khamtam eh da ka jing ia don ryngkat jong u Bah Banteidor Lyngdoh, MDC Mawkynrew Constituency kum u kongsan.
Ha katei ka School week 2016 la ia shim bynta shitrhem da baroh ki khynnah skul jong Church of God Secondary School, Nongjrong kiba la ia shim bynta ha ki jingialehkai kiba pher bapher kynthup ia ka Football Boys & Girls, Tug of War, March pass Drill, Drill Dance bad kiwei kiwei de.
Haba kren kum u kongsan ha katei ka sngi na ka liang jong u Bah Banteidor Lyngdoh, MDC Mawkynrew Constituency u la kyntu jur ia ki khynnah skul ba nalor ki kam ialehkai (Sports) kiba long kum shibynta ban pyn proh ia ki jingmut jing pyrkhat bad ka jing kilan met hynrei kim dei pat ban klet iala ka jong ka kamram ban pyn leit jingmut thop ha ki jingpule ban saindur bad ban tei ia ka long rynieng, namar ka jing nang jing stad hi ka long kum uwei na ki paia khnong u ban kyrshan ia ka longbriew man briew, bad na ka liang jong u kongsan u la ong ba kum u Nongmihkhmat paidbah u da angnud eh ban kyntiew ia ka thain ha ki liang baroh ha ryngkat ka jing ia treilang bad ki paidbah nong shong shnong khnang ba ha kawei ka sngi ngin sa ioh shisha ban kheit ia u soh jong ka jing jop.
U Bah Banteidor Lyngdoh u al ai khublei kyrpang ruh ia baroh ki Nonghikai jong ka Church of God Secondary School, Nongjrong kaba la trei bor bah met bad mynsiem ban saindur ia ka lawei jong ki khynnah skhul namar ba ka skul hi ka dei kawei na ki shlem ban saindur ia ka lawei jong ki kynnah. Na ka liang jong u Kongsan u la ai khublei kyllum lang ia kiwei pat ki skul kiba don ha ka thain khnang ba kin nang lah ban ai ia ka jingshakri kaba khambha bad kaba kham janai ha ki por kiban dang wan baroh Kyntang iawai na ka liang jong u kongsan u la ban jur ba lyngba ka jing ia treilang hapdeng jong u kum u Nongmihkhmat ha i bor iba rit, ka ka Managing Committee jong ka skul, Ki kmie ki pra, ki khynnah skul ha ryngkat ka jing kyrshan lang jong ki Nongialam shnong bad ruh ki paidbah nong shong shnong kan long shisha ka jingkyrkhu ha kane ka thain kaba long ka lyngkha kaba dang sah shrah ha ki liang baroh, bad u la ong ba dei tang lyngba ka mynsiem jong ka jing ia treilang kaba lah ban thaw pyrthei ban wanrah pat ia ki jingkylla ha kaba u la kyntu kynpham ruh ia ki khynnah skul ba ki dei baraobor kiba don ia ka akor ka burom bad kiba tip briew tip blei khnang ba kin nang lah ban kiew shaphrang ha kiba bun ki liang ha ka jingim ka jong ki.
Kiwei pat ki riew pawkhmat kiba la ai jingkren ha katei ka sngi ki kynthup ia i kong Shimbhalin Kharumnuid iwei na ki Nonghikai jong ka Church of God Secondary School Nongjrong, nalor jong u Chairm,an bad Secretary Managing Committee, u Bah J. Synjri na ka liang jong ka Managing Committee Church of God Secondary School, Nongjrong lem bad kiwei kiwei de ki riew rangbah.
