Shillong, Nailar 31: Ka dorbar shnong Rynjah ha ryng kat ka jingia don lang ki rangbah dong, ki seng long kmie bad kumjuh ruh ki seng samla shnong mynta ka sngi ki la wan ban iakynduhia U CEM ka KHADC u bah Pyniaid Sing Syiem.
Kane ka jingiakynduh ka long ban iakren ha lor ka jing wan khynra trading license da ki dkhot jong ka seng HITO nongthymai circle bad ha ka ba ia dei bad ka jingleit ia kynduh ia ka society ha RR colony .
Ha kane ka jingiakynduh ia u Chief Executive Member ka KHADC ka dorbar shnong Rynjah kala pynpawba kat kum ka jingpynbna ba la pynmih da ka Hima Mylliem ha u snem 2019 ka pyni ba ka RR colony ka dang hap ha poh ka jing peit bad jingpyniaid ka dorbar shnong rynjah.
Kumta na ka liang ka dor bar shnong ka la pynpawba ka jingkhaii bad ka jing ioh trading license jong ki briew ban khaii ka long kat kum ka NOC ba ki ioh na ka dorbar shnong bad kum juh ruh na ka district council.
Na ka liang u CEM u la pynpawba kat kum ka jingpynbna ba la pynmih da ka Hima Mylliem ha ka 1s Kyllalyngkot 2019 ka la kdew shai ba ka RR colony ka dang hap ha poh ka jing peit bad pyniad ka dor bar shnong Rynjah.
bad na kaliang ka district council ruh ka la pynskhem ia ka ne, u CEM u la pynpaw ruh ba na ka liang ka District Council ka la shaniah ha ka dorbar shnong ba kan ai ki NOC na ka byntta ki Labour License, Trading license bad kiwei kiwei na ka bynta kine ki briew ba shong basah ha RR colony.
Na ka liang u CEM u la pynskhem ruh baia ka ne ka Refugee colony la pynkyla kyrteng ia ka sha ka them rynjah ha u snem 2019, kumta na kaliang u CEM u kyntu ia ki briew ba shong ha ka tei ka jaka ba ki dei ban but ryntieh ia ka jingpyniad shnong jong ka dorbar shnong Rynjah kat kum ka Hima mylliem Act.
Na ka liang ka dorbar shnong ka la pynpaw ia ka jingsngewnguh ia u CEM ka KHADC ba u la pynlait por ban ia kynduh ia ki ha ka dorbar shnong ka la ioh ban iakren ha ka ba ia dei bad ka ka jingpynbna ka bala mih ha u snem 2007.
Halor kane ka Hima Mylliem kala pyndam noh ha u snem 2019 ha ka ba iadei bad ka jaka bad ka jingai NOC na ka bynta ki wei pat ki jaitbynriew ki ba shong basah ha poh ka jing peit jingpyniaid ka dor bar shnong Rynjah.
