Shillong, Nailur 03: Mynta ka sngi ki pulit jong ka East Jaintia Hills District ha dien ba kila ioh ia ka jingtip ba don briew ba kiew na Mizoram da ka sumno kaba don ia u number AS 01 KC 9188 ban poi sha Silchar bad ban poi sha Meghalaya u la kit ia ki jingduh pynbuaid ha ka pla jong u.
Halor kane ka jingtip ki pulit jong ka East Jaintia Hills kila pynlong ia ka jingap ktem ha Kongong, haba katei ka kali kala poi ki pulit kila pynsangeh bad haba talsi la shem ba ki don 10 tylli ki song bala song bha bad kine ki dei ki jigndih pynbuaid.
Ha ka jingtohkit ki pulit la shem ba kine ki dei jingdih pynbuaid kiba la tip ha ka ktien nongwei “Crystal Meth” kine ki shiphew tylli ki song kila kot sha ka 10.16 kilo, u ba shah kem la tip kyrteng kum u Lalhmunsanga Beingaichho naka jylla Mizoram.
Ki pulit kila ioh ruh ban kurup ar tylli ki Mobile Phone, ki pulit kila register ia ka ejahar hapoh ka kyndon NDPS Act, hapoh jong ka Khliehriat Police Station, ka jingtohkit ka dang iaid ban lap ksai ia kiba don bynta lang ha kane ka kam khaii ia ki jingdih pynbuaid.
