Shillong, Jymmang 09: Mynta ka sngi ki pulit jong ka East Jiantia Hills District kila bat ar tylli ki Bus kiba la suba ba don ki nongkhaii drok kiba wan da kitei ki kali na ki thain Silchar.
Ha kane ka jingtalasi la ioh ban kurup u Ganja bad u drok Herion kiba la shong dor haduh T.3.6 klur tyngka, kai pulit ka East Jaintia Hills kila ioh ban kem lai ngut ki briew haba ia dei bad kane ka jingioh kurup Ganja bad Drok.
Kine baroh lai ngut ki dei ki briew na shabar ka jylla Meghalaya, kane ka jingioh ban kem ia ki nongkhaii drok ka dei na ka jingtrei shitom jong ki pulit ka East Jaintia Hills District kiba la long kiba peitngor ban ia khun pyrshah ia ki kam sniew.
Lah ban pynkynmaw ba tang ha kine ki 10 sngi ki pulit jong ka East Jaintia Hills District kila ioh ban kurup u drok bala shong dor baroh haduh T.15 klur tyngka baroh kine kiba la shah kem baroh ki dei ki briew na sha bar ka jylla Meghalaya.
