New Delhi, Risaw 02: ka tnad syntiat “Central Bureau of Narcotics” kaba don ha jylla Rajasthan ha ka jingiakhun pyrshah ia ki jingdih buaid kala ioh ban kurup u 1.080 kilo u Ganja na post ophis ha Jaipur ba wan na Thainland.
Ka tnad syntiat na Thailand kala pyntip sha India ba ka don ka song kaba phah sha India kaba la suba ba lah ban don kynjo drok,namar ia ioh ia kane ka jingtip ki briew jong ka CBN kiba don ha Jaipur kila shim ia kane ka song.
Haba la shim ia ka bad peit bniah ba hapoh ka song ki don shibun ki jingsong barit barit bad haba la bishar bniah dei u hydroponic weed u Ganja bala tylliat bha bad ki song rit baroh ki don 29 tylli ha ka dur jong u Kake bala burieh hapoh.
Ki ophisar jong ka CNB kila kurup bad pyngnad hapoh ka kyndon ain Narcotic Drugs and Psychotropic Substances (NDPS) Act, 1985, bad kiwei kiwei ki kyndon ha dien bala dei ban bud katkum kum ki kyndon baroh ki jigndih pynbuaid kiba wan na bar ri.
Na kaliang jong ka CBN ka long kaba peitngor ban pynthikna ki mar kiba wan na shabar jong ka ri kim dei ban don ia ki jingduh pynbuaid bad na ka liang jong ka CBN ki long kiba peitngor ba pynthikna kan nymdon ka jingiakhaii ia ki jingduh kiba sniew.
