Shillong, Nailur 09: Ki pulit jong ka East Khasi Hills District ba dei na ka ANTF kila ioh jingtip ba la don ki briew kiba pynpoi ia ki Yaba Tablet na Myanmar bad ha kane ka jingap ktem ki pulit kila ioh ban kurup ia une u jingdih buaid na Lapang ha ka jingdon lang ki sakhi.
Katkum ka jingpyntip u Superintendent ki pulit jong ka East Khasi Hills District la iathuh ba une u kuli Yaba u ba la ioh ban kurup u khia haduh 8.471 kilo bad haba la khien ia dor jong u kala kot haduh T.1.8 klur tyngka.
Na ka jingtohkit la shem ba ia kine ki dawai kuli pynbuaid la wanrah na Myanmar bad la thmu ban phah sha Bangladesh, na ka liang jong ki pulit kila ioh ban kem ia u briew ba don ia kine ki jingdih buaid ha dien ka jingphla jong u bala sha kem ki la ioh ban kem sa u wei u briew ba don kti ha kane ka kam khaii drok.
Ki pulit kila pyngat ia kine kiba la shah kem hapoh ka ain Narcotics Drugs bad Psychotropic, Act 1985, ia kane ka mukotduma la register hapoh jong ka Rynjah Police Station, Shillong.
