Shillong, Nohprah 03: kem ki shipai BSF ar tylli ki kali Bolero Pick-Up na jingkieng Hangaria bad na Huroi kiba hap hapoh East Jaintia Hills District ba kit shini ba mut ban shallan sha Bangladesh ia kine ki ar tylli ki kali la ioh kem ha ka 2/12/2023 bad la kem ruh ar ngut ki briew kiba niah ia kine ka kali.
Ia kin ki ar tylli ki kali la ioh ban bat na ka surok Hangaria bad ki kali kiba la shah kem ki don ia u number ML-04D-2343 bad number ML-04D-6828, na kine ki kali kila ioh ban kurup ia u shini bala mut ban phah sha Bangladesh bad ka dor kala kot sha ka T.17 lak tyngka.
Ki ar ngut kiba la shah kem kiba niah ia kitei ki ar tylli ki kali ki longu Queendun Suting bad Ibannangroi Suting, kine baroh ar ngut ki dei ki nongshong shnogn jong ka shnong Nongbareh Lyntiara, kine ki kali baroh ar tylli dap da u shini bala thep ha ki kali.
Na ka liang jong ki shipai BSF kila aiti sha ki bor jong ka ain ia ki kali bad ia ki ar rngut kiba la shah kem la aiti sha ki bor jong ki pulit ban leh ia kaba donkam katkum ka ain.
