Shillong, Jymmang 25: Ka kynhun shipai BSF kaba dei na ka 172 Bn jong ka Meghalaya Frontier kila ioh ban bat kawei ka trok bad haba ka khyndang ia ka tyrpal la shem ba dap da u shini suda ba thmu ban shallan sha Bangladesh.
Ki BSF kila ioh ban kem ia ar ngut ki nong India, ia u draibar bad ia u nongbud ia ka trok iakane ka kali kila ioh ban bat ha jan Kuliang kaba hap hapoh jong ka East Jaintia Hills District ka jylla Meghalaya.
Ki BSF kila ioh ban bat iakane ka kali ka long halor ka jingtip kaba kila ioh bad na ka liang jong ki BSF kila pynlong ia ka jingap ktem bad haba la poi ka trok kila bat bad haba la khylli ia ka tyrpal la shem ba don da u shini.
Haba la kylli u nongniah bad u nongbut kim lah ban ai ia ki kot ne ban pynshisha ha kaba ia dei bad ka jingkit ia u shini, kumta kila bat ia kine ki ar ngut bad la aiti noh sha ki Customs kiba don ha Badarpur na ban ia kaba don kam katkum ka ain.
