Shillong, Nohprah 03: Mynta ka sngi ki pulit jong ka East Jaintia Hills kila ioh ban kurup haduh 61 tylli ki synduk kot ba thep ia ki tiar siat Dynamait bad la kem 6 ngut ki briew.
Ki pulit jong ka East Jaintia District kila ioh jingtip ba ka don ka kali Bolero kaba don ia u number Assam ka kit ia kitiar pynbthei kane ka kali ka mih na Sookilo bad ka ia is sha shnong Kongong.
Ha dien bala ioh ia kane ka jingtip kila pynlong ia ka jingap ktem bad la ioh bat ha shnong Kongong kaba hap hapoh jong ka Lad Rymbai police Station haba la talasi ia ka kali la lap ki don 10 tylli ki synduk.
Kine ki tiar siat ki long haduh 250 kilo, 2000 tylli ki Gelatin Sticks, 1000 Detonators kiba khlem pat pyndon kam 8 song ki phuse. Ha kane kali ki Don ar ngut ki briew ba shong bad ha dien bala kem ia ki la ioh ban kem sa 4 ngut.
Da ka jingioh kem ia kine la ioh ban kurup shuh shuh sa 51 synduk bad ka jingkhia kine kitiar pynbthei ka long haduh 1275 Kilo, 10200 Gelatine Sticks, 5000 tylli ki Denators ba don 8 song ki phuse ba khlem pat pyndon kam la ioh ban kurup.
Baroh ki tiar siat kiba la ioh kurup ki long 1525 tylli ha kane ka jingkhynra na ka liang ki pulit kila register ejahar pyrshah ia kitei ki hynriew ngut ki briew hapoh jong ka Explosives Act bad ka jingtohkit ka dang ia is sha khmat.
