Jowai, Lber 05: Hadien ba paw ka jingpyndonkam klumar ia ka skim NREGS hapoh ka shnong Myntriang bad ka jingkular u secretary ka VEC, u Bah W.Lamurong, ban siew ia ka pisa ba 5 lakh tam hapoh jong u bnai June 2014 , u BDO ka Saipung Block u la leit jurip da lade ia ka jingpyntrei NREGS ha kane ka shnong, u la kyntu ia ka Dorbar shnong Myntriang ban thung noh da uwei u Secretary VEC bad ki nongkitkam jong ka khnang ba yn lah ban pyllait ia ka skim NREGS ba 8 lak jong u snem 2013 – 14. Te mynta la ar bnai tam, ym pat i dak ei ei ia ka jingshimkhia jong u Rangbah shnong ban leh ia la ka kamram kumba bthah ka ophis u BDO.
“Ha kaba ia dei bad kane ka phang, Ka KSU Myntriang unit ka la kyntu jur ia ka Dorbar shnong ba kan leh kloi ha ka ban jied da kiwei ki nongkitkam bathymmai ia ka VEC khamtam ia u Secretary khnang bay n ioh ia kane ka skim NREGS kaba pynmyntoi ia ki paidbah jong ka shnong bad pyntip ia kane kajuh sha ka ophis u BDO Saipung Block hapoh 30 tarik u Lber kumba bthah ka ophis. Bad lada ka kam kam iaid ym banse hap iaid da kiwei pat ki lynti”, la pynpaw u ma Channel Lamurong uba long u Vice – President ka unit.((SP News)