Shillong, Jylliew 10: Ka tnad Ri Mrad jong ka sorkar jylla Meghalaya kala dang iaid sha khmat na ka bynta ban pynbit pynbiang ban buh ia ka pham ha kane ka jylla ban ri ia u Masi Prut, ia kaba la tip kum u Mithun ha ka jylla Arunachal Pradesh bad Nagaland.
Katkum ki thymmei khubor kiba u SP News Agency u la ioh la ong ba na ka liang jong katei ka tnad sorkar kala phah ruh ia ki ophisar ban shah hikai kyrpang na ka bynta kane ka kam bad kane ka long kum shibynta jong ka jingpynkhreh ban buh ia ka pham ha kane ka jylla na ka bynta u tei u Masi prut.
Na ka liang jong ka tnad sorkar kala peit bniah mynta la kane kan long ne em kaba biang ban buh la ka jinglong ka mariang kan ia hap ne em bad kine ki Masi prut namar ha ka jylla Arunachal Pradesh bad Nagaland une u kynja masi u im bha bad ki briew ki lymoon bha ban bam ia u.
Haba la ia kren bad u Director u ba dei peit ia kane ka kam ri mradu Dr B Rijal ha ka jylla la kane ka long kaba shisha ne em ba ki kwah ban buh ia ka pham na ka bynta une u Masi prut, la iathuh ba kala don ka jingthmu bad ka jingpynkhreh kala iaid sha khmat bad la phah ruh ia ki ophisar ban leit shah hikai kyrpang na ka bynta kane ka kam.
