Shillong, Naiwieng 26: Ka shnong Nongpriang kaba hap hapoh jong ka Eastern West Khasi Hills District kaba jngai tang kumba shikilo meter na surok bah ban leit na Mariang sha Rano Godawn kam pat ioh surok haduh mynta.
Katkum ka jingiakren u SP News Agency bad katto katne ki briew na kane ka shnong kila iathuh ba ka jingong ban shna surok sha kane ka shnong ka dei kaba la slem bha hynrei haduh mynta pat iohi dak ban shna ia ka surok.
Ban leit sha ka shnong Nongpriang hap hiar kali ha shnong Mawiong Khri ba dei ka surok bah bad sa iaid da ka kjat ban poi sha kane ka shnong kba la don bun phew tylli ki iing, namar ka jingbym ioh surok kila shna ia ka lynti iaid kjat na ka skhim trei shispah sngi.
La pynsngew ba kane kan nym lah ban iohrap namar ka don ka wah ban kam sha shnong kaba ki lah ban shna dei tang ka lynti iaid kjat kat ba ka jingdon don ka long ia ka surok kali na ka bynta ka kit ka bah ki nongrep.
Kane ka shnong baroh ki dei ki nongrep bad ia ki marrep jong ki ki hap ban kit da ki briew ban pynpoi sha shnong Mawiong Khri ka don ia ka surok bah bad ba kin pynpoi sha kiiew ki hat khatam ha Iew Langstieh ha Maiang.
