Shillong, Lber 19: Mynta ka miet ki briew kiba ym lah ban tip kila kawang petrol bom ha ka ophis jong u Transp
ort Commissioner kaba don ha Laitlad jan Lawusip, kane kala jia ha ka por kumba 7.30 baje mynmiet.
U SP City u BD Marak, u la iathuh ba ki briew kiba ym lah ban tip kila kawang da u petrol bom ia ka ophis jong u Transport Commissioner, ha kane ka jingkawang kala dei ia ka kynroh jong ka iing bad kam shymdon kano kano ka jingjulor.
La iathuh ba la shem ki riew sniew kiba la kawang petrol bom kila thep da ka sharak ha u bilor bad kawang ia katei ka ophis, kane ka ophis jong u Transport Commissioner ka hap hapoh jong ka Madanriting Policre Station.
Ha kawei pat ka jingjia ha ka por mynsngi lai ngut ki briew kiba leit da ka scooty hynrei haba kila poi ha khlaw Mawroh kila mih ki briew ban khang lynti bad shoh ia ki. Ia kine ki lai ngut kiba mynsaw la rah sha Mawroh PHC bad ha dien ba la tah dawai la pynlait noh ia ki.
Ha kawei ka jingjia mynta ka sngi kawei ka scooty kala kem dieng ha Lumshyiap bad kane ka scotty kala iengkhong khait, na ka liang jong ki pulit ki dang tohkit ban lap la kane ka scooty ka shah thang ne ka kem ding hi.
