Shillong, Nohprah 03: Ki paidbah kiba leit sha NEIGRIHMS ban shim dawai kila kynduh jngeh namar la khang ia ki kali bus saw barit ban wan kamai sha duh Motphran mynta la jan lai taiew lynter.
Ki paidbah kiba wan na ki nongkyndong kila shem jingeh ban wat kali ban leit sha katei ka hospital bab leit shim dawai lane ban leit ban peit ia kiba ha iing ha sem kiba pang ba shitom namar kim don shuh ki kali saw ban kamai sha NEIGRIHMS, kane ka la buh jingeh ban ioh kali.
Kawei ka jingmyntoi ia ki paidbah ka jingdon ki kali saw kiba rit ban kamai sha NEIGRIHMS ka long ba ka bai kali ka long tang T.50/- tyngka marwei bad ka suk ban ioh kali ba ia shong paidbah, hynrei mynta ym dei tang ba ki hap ban siew ka bai Taxi kaba T.80 tyngka marwei hynrei ka jynjar ban ioh kali.
Bun na ki nongleit nongwan kila pynpaw ba kane ka jingbym shah ia ki kali saw ba rit ban kamai sha duh Motphrah kala buh ia ki paidbah ha ka jingeh ban ioh kali ban leit sha katei ka jaka bad ka jingduh nongka long ba haba leit da ki Taxi kila hap ban siew T.80 tyngka marwei.
Ka jingthmu jong ki bor sorkar ban nym shuh ia ki kali saw kiba rit ban kamai sha motphran ka long ban peit la ka jingkhangngiah kali kan long kumno, hynrei kane ka jingleh kam shym la iarap ia ka jingdheng kali ha kane ka surok ban wan sha Motphran.
