Shillong, Naitung 31: Mynta ka sngi ka seng Confederation of Ri Bhoi People (CORP) kala leit ban ia kynduh ia u symbut Chief Executive Member jong ka KHADC u bah Pynsngianlang N Syiem ban ai ha u ia ki kot ki sla ban pynshisha ba ka shnong Ummat ka hap hapoh ka jylla Meghalaya.
Haba kren ha ki lat pathai khubor ha dien ba la ia kynduh u Cymbut CEM u bah Bandari Ryntathiang u la iathuh ba kila wan ban ia kynduh ia u Symbut CEM , ryngkat ki trai jaka ha kaba kila ai ia ki kot ki sla bad kine ki kot ki sla kiba la ai dei naduh u snem 1964.
Kane ka jingwan rah ia kine ki kot ki sla ban ai sha u Symbut CEM ka long ban pynshisha ba ki shnong kiba hap hapoh jong ka hima raid Nongtung kaba ki khot ka Block II ki hap ha Meghalaya. Ha kane ka sngi la wan lang u rangbah shnong bad ki trai jaka.
Ha kane ka sngi kila ia kren bun kiei kiei halor katei ka jaka kaba hap hapoh ka raid Nongtung Block II, ha kaba ki kwah bad angnud shisha kum ka seng bad ki trai jaka ha kane ka jingiapynbeit pud, hynrei kaei kaba pynbakla ka long ba ki don ar tylli ki Umlet, kawei k Umlet ha Mawlasnia kaba ki shukhot, hynrei ka umlet kaba shisha ka dei na Ummat.
Ha kane ka jingiakynduh na ka liang jong u Synbut CEM u la shimkha ia kane bad kila don shibun ki jingiakren, kane ka jingwan ia kynduh mynta ka sngi da ka seng bad ki trai jaka ka long ban pynshisha ryngkat ki kot ki sla kaba ki don ba ki hap hapoh Meghalaya.
